Körfubolti er spennandi íþrótt á miklum hraða og oft með harkalegum árekstrum við mótherja sem getur auðveldlega leitt til meiðsla.

Meiðsl

• Algengustu orsök meiðsla eru þegar leikmaður fellur, rekst á annan leikmann, lendir illa eftir stökk, breytir snögglega um stefnu eða fær boltann í sig.
• Flest meiðsl eru á neðri líkama, helst tognun á ökkla. Einnig er algengt að meiðast á hendi, fingrum, höfði, andliti og tönnum.
• Hnémeiðsl þurfa langan endurhæfingartíma og taka mesta tíma frá æfingum og leikjum.
• Fleiri konur meiðast á hnjám en karlar.
• Álagsmeiðsli er algeng meðal efri flokka vegna langvarandi álags á líkama leikmannsins.

Þættir sem auka líkur á meiðslum

Nokkrir þættir auka líkur á meiðslum í körfubolta, m.a.:

• Fyrri meiðsl
• Óviðunandi endurhæfing eftir fyrri meiðsl
• Aldur leikmanns
• Ofreynsla
• Of lítil eða slæm þjálfun
• Léleg tækni
• Slæmt ástand leikvallar (s.s. bleyta á golfi)
• Öryggisbúnaður ekki notaður
• Brot í leik

Góð ráð

Til að fyrirbyggja meiðsl ættu leikmenn alltaf að:

• Hita upp, teygja á og kæla niður.
• Æfa vel fyrir keppnir.
• Vera í góðu líkamlegu formi – æfa þol, styrk, jafnvægi, samhæfingu og liðleika.
• Þekkja reglur vel og spila heiðarlega.

Umhverfið og búnaður

• Viðhaldið leikvellinum og hreinsið burt bleytu, steina, og aðrar hættur.
• Festið körfuboltanet tryggilega niður.
• Notið rétta stærð af bolta fyrir hvern aldurshóp.

Öryggisbúnaður

• Tannhlíf
• Ökkla plástrun („teipun“)
• Góðir skór sem eru hannaðir fyrir körfuboltaleik. Athuga þarf hvaða skór henta í íþróttahúsum sem eru með fjölnotagólf.